Cleveland hnehtu Clippers
Nimin zing NBA regular season inkhelah Los Angeles Clippers chuan Cleveland Cavaliers lakah 121-99 in hnehna an chang a, hnehna an chan theih nan hian Paul George-a'n point 36 zet a nei.
George bakah hian Kawhi Leonard (24 points), Lou Williams (15) leh Serge Ibaka (14) ten an thawhhlawk hle bawk. Match 17 an chak tling ta chiah a, Western Conference table-ah pahnihna dinhmun an luah - an chungah hian Utah Jazz chiah an awm.
Cavs tan Collin Sexto-a'n point 27 a score zinga 16 zet chu first half hma lama a neih a ni a, inkhel pumpuiah Darius Garland-a'n point 23 a nei bawk; player pahnih khel ṭha mah se a tawp lamah an zuih a, thlawptu an nei ṭha tawk lo bawk.
NBA Results
Los Angeles Clippers 121 - 99 Cleveland Cavaliers
New York Knicks 107 - 103 Chicago Bulls
New Orleans Pelicans 123 - 101 Phoenix Suns
Oklahoma City Thunder 104 - 87 Houston Rockets
Milwaukee Bucks 130 - 110 Indiana Pacers
Philadelphia 76ers 118 - 111 Charlotte Hornets
Dallas Mavericks 122 - 116 Atlanta Hawks
Washington Wizards 103 - 100 Miami Heat
Sacramento Kings 116 - 111 Boston Celtics
San Antonio Spurs 111 - 108 Minnesota Timberwolves