Volleyball referee thar panga
Volleyball Federation of India-in Bhubaneswar-a Volleyball National Referee Exam a buatsaihah Mizo panga in an pass.
Mizo panga tling zinga mi Lalmuansanga Sailo chu result hre hman loin a thi a, Mizoram Volleyball Association chuan Mizo panga tling an awm chu lawmawm an tih rualin, result chhuak hre hman loa thi an awm chu pawi an tih thu an sawi.
MVA hian tun hmain national referee pakua a nei tawh a, an zinga pahnih an chawl tawh. Tun dinhmunah hian tling tharte nen ram pum huap inkhel thunun thei tur mi 11 a nei ta chiah.
# Hming Khua/Veng
1 Lalduhawma Chanmari West
2 Laldinpuia Serchhip
3 Lalmuansanga Sailo Keiṭum
4 B. Tlangmawii Varte Champhai
5 Lalmuankimi Vaivakawn