Tlai dar 3:00-ah Lalbiakliana Memorial MFA Super Cup final Chanmari FC Vs Mizoram Police

Lalbiakliana Memorial MFA Super Cup final chu vawiin tlai dar 3:00 hian Chanmari FC leh Mizoram Police ten Lammualah an khel dawn.

Inelna vawi sarih neih tawhah Chanmari hian vawi nga final lut tawhin vawi hnih an champion a, Police erawh final an vawi khat luhna a ni. Final-a inhmachhawn tur pahnih hi player nei ṭha an ni a, 'Dream Final' tiin a sawi theih.

Semifinal hnuhnung zawkah Chanmari FC leh Electric Veng FC ten inkhel hmuhnawm bik an pho chhuak a, final-ah ennawm hmuh tur a awm leh ang.

Mizoram Police hi veng behchhan nei lo an nih avangin ṭantu nei loa sawi ṭhin an ni a, MPL awm hnuah a dik tawk lohna a lang chho zel. Police-a thawk leh an chhungten an ṭan vek a, Mizo player-te hi an thiam avanga mimal taka ṭantu an neih tawh avangin Police zûn a uai hi an awm ve hrim hrim bawk.

Tun season-a Police team hi MPL ṭan kum 2012-a I Day Football champion Police team ai khan an ṭha zawkah a ngaih theih a, chuvangin Police hian nomawi an chawi leh ṭan dawn tih pawhin a sawi theih. Chutihrualin football ṭhang zelah Police-a lut lo player ṭha tak tak an kat ve nuk a, tun hma anga 'vawk lal len' lai ang erawh thlen nawntir a harsa ang.

Tun hmaa football khel thiam veng tiha sawi ṭhin Chanmari veng chhungah hun rei tak football a thi a, Red Ribbon Football 2012-a an champion hnuah harhtharna changin Chanmari FC chu nung takin an kalpui. Coach tawnhriat nei ṭha H. Vanlalthlanga leh Lalsangzuala Hmar hnuaiah tualchhunga inelna zawng zawng an chmpion kim a, amaherawhchu kum 2016-a MPL an champion hnuah club angin nomawi an chawi tawh lo.

Chanmari FC-in harhtharna an mamawh a, coach atan football legend S. Malsawmtluanga an lak avangin an phur chho a. CYMA Football-ah a vawi khat nan an champion avangin football boruak thi tawh chu kai thawhin a awm.MFA Super Cup semifinal-a Electric Veng FC an hneh ṭumin mipui ṭhahnem tak an pungkhawm - final-ah an tam lehzual ang.

Police an ṭha 

Lalbiaksanga Colney hote hian match thumah goal 28 an khung thei a, goal khat chiah an chhuah bawk avangin an ṭha tih chu a chiang. 

Mizoram Police tan Lalbiakhlua'n (Biaktea) goal 11 zet a khung tawh a, MPL2 leh MPL3-ah top scorer a nih tawh bawk avangin goal khung hi a chem kalna lam a ni hrim hrim. Police team-ah hian MPL-a mimal lawmman dawng tawh an ther fur a, keeper F. Lalmuanawma, midfielder R. Malsawmtluanga, forward Lalfakzuala leh Malsawmfela te an awm a, damlohna vangin F. Lalrinpuia (Valpuia) an chhawr thei lo.

Coach BS-a Colney chuan, "Valpuia awm lo mah se a thlakna tur player ka kawl a, chhuanlam tur a ni lo. Kan team hi kil tinah an ṭha a, Chanmari FC hi team ṭha tak ni mah se kan chak kan ring hle. Electric Veng nena an khel kha kan en a, an chak lohna lai kan hriaah kan ngai," tiin champion ngei a inrin thu Vanglaini a hrilh.

Pld - 3, GF - 24, GA - 2, GD - 22

Last 16 - July 25, Ningani

Chanmari FC    16 - 0    Lily Veng FC

CFC : Lalremruata 12', 19', 36', 37', 52'; David Laltlansanga 20'; 

   Lalremruata 24', 55'; Lalrammuanpuia 38', 70'; Rochhingpuia 40'; 

    Zakaria Lalhriatpuia 62'; Lalnunzama 74', 76', 85'; Hmingthanmawia 78'

Quarterfinal - July 29, Thawhṭanni

Chanmari FC    7 - 1    Mission Veng FC

CFC : Lalrinchhana 20'; Lalremruata 24', 73'; Zakaria Lalhriatpuia 48', 78'; 

   Lalremruata 54'; Lalrammuanpuia 76'

MSV : Daniel Lalhriatpuia 63'

Semifinal - July 31, Nilaini

Chanmari FC    1 - 1    Electric Veng FC

Penalty Shootout-ah Chanmari FC 5-3 in an chak

CFC : Lalremruata 59'

EFC : Ramhlunchhunga 10'

Pld - 3, GF - 28, GA - 1, GD - 27

Last 16 - July 26, Zirtawpni

Mizoram Police FC    6 - 1    Chawnpui FC

MPFC : Lalramtharmawia 24' (P); Lalbiakhlua (Biaktea) 41', 55', 80', 86'; 

    Lalfakzuala 84'

CHFC : Jonathan Lalhriatkima 19'

Quarterfinal - July 29, Thawhṭanni

Mizoram Police    18 - 0    Youngstar FC, Kolasib

MPFC : Lalfakzuala 4', 27', 48', 76', 86'; Lalbiakhlua (Biaktea) 19', 32', 

    36', 55', 65', 88'; R. Malsawmtluanga 30', 44'; Lalramtharmawia 38';  

    Lalnunsanga Hnamte 67'; Laldawngliana Colney 73', 75'; Laldinpuia 83'

Semifinal - July 31, Nilaini

Mizoram Police    4 - 0    Bethlehem Vengthlang

MPFC : Lalfakzuala 23'; Lalbiakhlua  (Biaktea) 35'; Malsawmfela 48', 50'

Champion    Rs 1,50,000 + Trophy (Running Trophy) 

Runners up    Rs 50,000

Semi Finalists    Rs 15,000

Quarter Finalists    Rs 6,000

Round of 16    Rs 3,500    

Round of 32    Rs 2,000

Fair Play    Rs 15,000

Best Forward    Rs 3,000 + Trophy

Best Midfielder    Rs 3,000 + Trophy

Best Defender    Rs 3,000 + Trophy

Best Goalkeeper    Rs 3,000 + Trophy