AFC-in Princewill an chhuah

Aizawl FC chuan Nigerian forward Princewill Emeka Olariache an chhuah a, foreigner pahnih captain Alfred Jaryan leh defender Richard Kassaga te chiah an kawl tawh.

Princewill hi RoundGlass Pubjab nen an inkhelh ṭumin bul ṭan mah se a khel tluan lo. Gokulam Kerala nen an inkhelh ṭumin bench aṭangin a lut a, Indian Arrows nen bench-ah a ṭhu tluan. A club hlui Neroca lakah Princewill hian bul a ṭan leh a, beisei a phak loh avangin match hnuhnung bera Churchill nen an inkhelh ṭumin squad-ah a awm lo.

Ugandan defender Kassaga pawh hi training-naah a khup a ti hliam a, Neroca an hneh ṭum leh Churchill Brothers nen an inhnehtawk ṭumin a awl tawh a, anni pawh hi a hmalam hun a chiang lo.

Aizawl FC-in February 9, Thawhlehni zan dar 7:00 hian Trau an hmachhawn dawn a, I League nomawi beisei pha tur chuan foreign player an lak ran a ṭul ang.