Zanin 1:30-ah Man United vs Everton

Manchester United-in zanin dar 1:30 hian Old Trafford-ah Everton an mikhual dawn. Ole Gunnar Solskjaer-a hote hian November 7 khan Premier League-ah 3-1 in an hneh a, December 24 khan League Cup-ah 2-0 in an hneh leh bawk.

United hian an match hnuhnung berah Southampton 9-0 zetin an sawp a, hemi ṭum hian Saints box pawnah chiah Edinson Cavani an tackle a, Uruguayan forward hian hliam tenau a neih avangin Toffees nen hian a dinhmun a chiang lo.

Chutihrualin United vanneihna erawh awlsam taka an chak avangin Cavani, Luke Shaw leh Marcus Rashford te hma takah an thlak thei. French midfielder Paul Pogba bench-ah an ṭhut tluantir thei bawk.

Everton pawhin Leeds United 2-1 in an hneh a, Dominic Calvert-Lewin pawhin goal a rawn khung leh tawh bawk. Toffees hian United academy chhuak Michael Keane leh Joshua King te an nei a, an point hmuh zat thlirin Carlo Ancelotti hote hi dah hniam theih an ni lo.

Toffees hian Man United aia match hniha an khel tlem chungin point riat chauhin an inthlau a, champion tura beisei chi ni lo mah se Europe inelna khelh phak an inbeisei avangin United tan zuam chi an ni lo ang.