Kum khat atan Onana an hrem

Ajax goalkeeper kum 24 mi Andre Onana chu damdawi hman sual vangin thla 12 atan an hrem a, hremna hi nimin aṭangin a inṭan ang. Dutch club chuan hremna hi Courth of Arbitration for Sport (CAS)-ah an khinlet tur thu an sawi. 

Ajax chuan, "October 30 zingkar khan Onana hi a nawm sam loh avangin an nu damdawi zawk a ei palh a, hetah hian Lasimac a awm. Thuneihna kengkawhtuten Onana hian rilru dik lo a pu lo an ti a, amaherawhchu anti-doping danah chuan 'infiammi tawh phawt chuan an taksaah an luhtir tur a ni lo' tih dan a awm avangin hremna hi an keng tlang a ni," tiin thuchhuah an siam.

Vanduainain Dutch club a bawh rih a, Ajax hian Europa League squad-ah an player manto ber Sebastien Haller an telh lo a, tunah an keeper ṭha mi Onana an chan leh ta bawk.