Super Bowl 2021-ah Brady

Super Bowl vawi 55 chu February 8, Thawhṭanni zing dar 5:00 hian Raymond James Stadium-ah khelh a ni dawn a, Tampa Bay Buccaneers leh Kansas City Chiefs te an inhmachhawn ang.

America rama inelna ngaihhlut Super Bowl-a hming langsar ber chu Tom Brady a ni a, quarterback awm tawh a zawnga ṭha ber anga chhal hi a inlan leh dawn. Kum 43 mi Brady hian nikum khan New England Patriots chu kum 20 chhunga a vawi ruk nan Super Bowl-ah hnehna a chanpui a, a contract a tawp zui avangin team a nei lo.

Brady hian kumin final thlengtu tur Tampa Bay Buccaneers a zawm a, danglamna a thlen. Brady hian Patriots-a a khelhpui ṭhin 'tight end'-a khel Rob Gronkowski chu chawlh tawh mah se Buccaneers chu a kohkir tir a, quarterback ṭha mi veng turin offensive tackle Tristan Wirfs an la bawk.

Tun season-a Buccaneers khelh dan hi 'Patriots khelh dan hmang' tihin an sawi a, amhaerawhchu mi ṭhenkhat chuan 'Brady' khelh dan hmang an ti thung. Super Bowl hrim hrim hian ngaihven a hlawh a, Brady a tel dawn avangin kumin inelna hian ngaihven a hlawh belhchhah bawk ang.