MFA Super Cup champion Mizoram Police

Lalbiakliana MFA Super Cup final-ah Mizoram Police-in Chanmari FC hnehin kum 2012 hnua a vawi khat nan inelna lian thamah an champion.

Nimin Lammual inkhelah hian goal a lut lo a, penalty shootout-ah Police 4-2 in an chak. Kum 2012 khan Mizoram Police hi I Day Football-ah an champion a, MPL ṭan hnuah tun hi nomawi an chawi lehna hmasa 

ber a ni.

Final-ah team ṭha pahnih an inkhel a, beisei a san ngaihtuahin a hmuhnawm tawk lo. Team pahnih an inhlau tawn.

Police-in chance ṭha an nei hmasa zawk R. Malsawmtluanga cross chu Lalfakzuala'n a pet fuh tawk lo a, hemi per hi Lalramtharmawia'n goal pawnah chiah a pet. Chanmari FC-in inkhel an thunun a, MS Dawngliana chip luh chu Lalremruata'n a petna tur khawpa insiamin a pet over.

Chanmari forward Lalremruata leh David Laltlansanga (Avida) ten Police tlarhnung an ṭhiat a, Avida'n a chance ṭha neih chu keeper F. Lalmuanawma zawnah chauh a pet thei. Police keeper Muanawma a khel ṭha zui a, Remruata tauh luh tur ṭha zetin a dang. Chanmari tlarhma an hriam tawk lo a, first half-ah goal a lut lo.

Mizoram Police-in midfielder ṭha MS-a hmangin keeper Zothanmawia tan hna an siam sak nghal. Inkhelah erawh Chanmari an chungnung a, substitute Lalnunzama'n chance ṭha ṭum hnih hlah mah se Police tlarhnung tan harsatna a thlen tam hle.

Mizoram Police pawh Malsawmfela luh hnuah an goal nawr a na a, goal erawh a thlen lo. Hun tawp hma hretin Chanmari FC forward Remruata'n hun ṭha a nei a, engmah loah a chantir.

Extra time-ah Police captain Fakzuala'n hnai tak aṭangin a tauh lut lo a, Chanmari keeper T. Mawia'n a dang ṭha ve bawk.

Fakzuala bawkin box chhung aṭangin a pet thut a, T. Mawia che hman lo mah se goal sirah a kal. Second half-ah Chanmari forward Dawngtea'n keeper chiah a hmachhawn hnuah a khung lo a, Police striker Sawmfela'n ṭum danga a khungna ṭhin aṭangin a khung bik lo.

Mizoram Police tana rawn pen chhuakten goal an khung vek. Chanmari FC tan erawh captain Rochhingpuia'n bul ṭanin CYMA Football-a Khawzawl lama a panenka kick anga khung nawn a tum a, Muanawma a chet loh bakah goal chhungah a kal lo.

Chanmari khel ṭha mah se penalty-ah erawh an che ṭha lo. Palinaa rawn pen chhuak Lalnunzama pet chu Muanawma'n a dansak a, Police 4-2 in an chak 

Inelna buatsaih turin sponsor-tu an ngai a, Lalbiakliana (L) nupui Julie Lallianzuali leh a chhungte inpekna zarah MFA Super Cup a hlawhtling. Kumin MFA Super Cup-ah team 22 an tel a, team tel zawng zawngin lawmman an dawng vek a, sponsor-te thilphal rah a ni.

Vawi 1-na : October 4, 2013 - Zirtawpni

Chanmari FC    3 - 1    Dinthar FC

CFC : Lalchhanhima (Tetepuia) 29', 59'; Lalruatfela Zote 75'

DFC :  Lalnunmawia 38'

Vawi 2-na : August 29, 2014 - Zirtawpni

Chanmari FC    3 - 2    Dinthar FC

CFC : Lalrinchhana Tochhawng 2'; Vanlalpeka 8' (OG); Lalruatfela Zote 61'

DFC : Johny Lalfakzuala 39', 69'

Vawi 3-na : September 4, 2015 - Zirtawpni

Bethlehem VT FC    2 - 1    Aizawl FC

BVT : MS Dawngliana 43'; Laldingngheta 86'

AFC : Michael Lalremruata 56'

Vawi 4-na : August 28, 2016 - Inrinni

Aizawl FC    1 - 0    Chanmari FC

AFC : B. Zoramthara 19'

Vawi 5-na : July 24, 2017 - Thawhṭanni

Chhinga Veng 5 - 0 Chanmari West

CVFC : Malsawmfela 31', 34', 49'; Laldingngheta 35'; R. Malsawmtluanga 78'

Vawi 6-na : July 24, 2018 - Thawhlehni

Chhinga Veng FC    1 - 0    Chanmari FC

CVFC : Lalrammawia 66'

Champion    Rs 1,50,000    Mizoram Police

Runners up    Rs 50,000    Chanmari FC

Semi Finalists    Rs 15,000    Electric Veng, Bethlehem VT

Quarter Finalists    Rs 6,000    Mission Veng, Dinthar FC

        J&C FC Hmunṭha, 

        Youngstar FC (Kolasib)

Round of 16    Rs 3,500    Lily Veng FC, Lengpui FC, 

        Aizawl FC, Chawnpui FC, 

        LKS Hnahlan FC, 

        Youngstar United FC (ITI Veng), 

        Darlung GSA, Kanan FC

Round of 32    Rs 2,000    Bualpui FC, Lushai FC, 

        Sihphir Venghlun FC, 

        Sangtei FC, Thenzawl Dinthar FC

Fair Play    Rs 15,000    Mizoram Police

Best Forward    Rs 3,000    Lalfakzuala, Mizoram Police

Best Midfielder    Rs 3,000    R. Malsawmtluanga, 

        Mizoram Police

Best Defender    Rs 3,000    Lalrinchhana Tochhawng,  

        Chanmari FC

Best Goalkeeper    Rs 3,000    F. Lalmuanawma, 

        Mizoram Police

Last 16 - July 26, Zirtawpni

Mizoram Police FC 6 - 1 Chawnpui FC

MPFC : Lalramtharmawia 24' (P); Lalbiakhlua (Biaktea) 41', 55', 80', 86'; 

    Lalfakzuala 84'

CHFC : Jonathan Lalhriatkima 19'

Quarterfinal - July 29, Thawhṭanni

Mizoram Police 18 - 0 Youngstar FC, Kolasib

MPFC : Lalfakzuala 4', 27', 48', 76', 86'; Lalbiakhlua (Biaktea) 19', 32', 

    36', 55', 65', 88'; R. Malsawmtluanga 30', 44'; Lalramtharmawia 38';  

    Lalnunsanga Hnamte 67'; Laldawngliana Colney 73', 75'; 

    Laldinpuia 83'

Semifinal - July 31, Nilaini

Mizoram Police 4 - 0     Bethlehem Vengthlang

MPFC : Lalfakzuala 23'; Lalbiakhlua  (Biaktea) 35'; Malsawmfela 48', 50'