Brazil-ah Alves a kir

Paris St-Germain-a chhuahsan hnuin Dani Alves chu Brazil-ah a kir a, a club ṭan Sao Paulo tan December 2022 thleng khel turin contract a ziak. 

Kum 36 mi defender hian Brazilian club hi free transfer-in a zawm a, kum 2002 hnua an ram club tana a khelh leh hmasak ber tur a ni. Kum 2001-2002 kha Bahia tan a lo khel tawh.

Sao Paulo chuan, "Football-a player hlawhtling ber," tiin an player thar hi an lawmlut. Barcelona defender hlui hian ram leh club tan nomawi 40 a chawi tawh a, ani aia champion hnem an la awm lo. Alves hi Copa America khelh zawh takah khan an ram captain a ni a, nomawi an chawi bakah Player of the Tournament atan thlan a ni.