Nomawi beisei lo Verstappen

Formula 1 team Red Bull driver Max Verstappen chuan rinkai ber an nih lohzia a hai lo a, chuti chung chuan a ṭha thei ang bera inelna hmachhawn a tum tho thu a sawi chhuak.

Dutch tlangval hian F1 inelna hnuhnung pathum zinga pahnihah hnehna a chang, amaherawhchu championship hmahruaitu Lewis Hamilton aiin point 62 ngawtin a hniam - intlansiak hi vawi 10 an la hmabak.

Kum 21 mi Max Verstappen chuan, "Mercedes-in season bul an ṭan fuh em em a, kan tan chuan anni umphak hi a awlsam tawh lo a ni. A nihna tak sawi chuan champion tura rinkai kan ni lo. Mahse, hei vang ngawt hian kan beidawng tur a ni lo a, inelna hi a ṭha thei ang bera hmachhawn zel kan tum tur a ni," a ti.

Pathianni zan dar 6:40 hian Hungarian GP an tlan dawn a, season hmang ṭha Mercedes chu rinkai ni mah se tun hnaia Red Bull leh Ferrari chetdan ngaihtuahin ngaihṭha taka awm ngawt thei chu an ni bik lo ang.