Fury vs Wilder: Bob Arum a hlauthawng

Tyson Fury promoter lar Bob Arum chuan Fury vs Deontay Wilder rematch a awm hmaa thil dang thlen a hlauhthawnawm thu a sawi chhuak a, "An pahniha an intawn leh phawt a rem lohna hi keipawhin ka hrethiam thei lo," a ti. 

February 2020-ah Fury leh Wilder hi inhmachhawn leh tur an ni a, mahse boxer pahnih hian nakkuma rematch an neih leh hmain September hian boxer dang an hmachhawn ve leh phawt dawn a ni. 

Arum chuan, "Engkim peih fel a ni tawh a, mahse boxing-ah chuan eng pawh thleng thei a ni. Boxer pahnih hian an intawn hmain inhnek dang an hmachhawn leh phawt a ngai a, kei chuan hei hi a chhan ka hrethiam lo," a ti. 

Fury hian ESPN a thawhpui laiin Wilder hian Showtime a thawhpui a, broadcasting lama an thawhpui in ang lo avang hian buaina pawh a awm. American fighter Wilder hian Cuba boxer Luis Ortiz a hmachhawn dawn a, Fury hian Swedish boxer Otto Wallin a hmachhawn dawn thung. 

USA-a Fury inhnekna tur atan bika promoter Arum chuan, "Wilder hian Ortiz a hmachhawn dawn a, an intawn tawhna kan thlir chuan Wilder hi a talbuai hle. Fury hian Swedish palian tak a hmachhawn dawn bawk. 

"Boxer pahnih hian an khingpui ve ve an hneh hram ka beisei. Engkim peihfel a ni tawh a, pakhat zawk pawh an tlawm hlauh a nih chuan a buaithlak vek dawn a ni," a ti a, boxer pakhat zawk zawk pawh tlawm palh se rematch a thlen theih loh mai a hlauhthawn thu a sawi.