Mizoram badminton leh AYUSH inrem

Mizoram Badminton Association (MBA) leh National AYUSH Mission Mizoram-te chuan kum khat chhung thawk ho turin inremna an ziak a, AYUSH hian MBA hnenah nuai nga an pe. 

Pawl pahnih inremna ang chuan AYUSH hian MBA hnena sum an pek bakah hian kawng hrang hrangin an pui ṭhin dawn a, chung zingah chuan player inhliam enkawl chungchang a tel.  

MBA hnuaia tournament-ah AYUSH hian doctor ṭhut chilhin medical station an hawng ṭhin ang a, player inhliam an awmin AYUSH damdawi hmanga a thlawn veka enkawl an ni ang. 

Mizoram hmun hrang hranga Grassroot centre  leh Regional Development centre thlan bik hmun sawmah AYUSH awarness campaign neih ṭhin a ni dawn a, centre panga thlanchhuah bikah mithiam ten naupang coaching kal mek te Physical and Stress Management Session an neih pui ṭhin bawk ang - a senso chu AYUSH lam tum tur a ni. 

Badminton player, national level tournament khel tur, mi sawm tan AYUSH hian ṭum hnih jersey (AYUSh logo chuang) an tum sak dawn bawk.