India hmeichhe team-in Mauritania sawp

COTIF Cup khela zin chhuak mek India hmeichhe team-in result an neih ṭhat chhunzawm zel a, an match hnuhnung berah 7-0 ngawtin Mauritania an sawp. 

India tan hian Dangmei Grace leh Ashalata Devi ten goal hnih ve ve an khung a, Manisha, Bala Devi leh Daya Devi ten goal khat ve ve an khung bawk. Blue Tigers hmeichhe team hian match hmasa berah Spanish club Villarreal chu 2-0 in an ngam lo a, mahse Bolivia lakah 3-1 a chak zuiin Mauritania an sawp leh ta a ni. 

India hian August 7-ah Spain an hmachhawn leh dawn a, squad-ah hian Aizawl Salem Veng nula Grace Lalrampari a tel.