A vawi 50 nan Marquez a chak

Marc Marquez chuan bike intlansiakna sang leh ngaihhlut ber MotoGP-ah a vawi 50 nan hnehna a chang ta. Honda rider hian Pathianni khan Czech Republic Grand Prix-ah pakhatna a ni a, rider championship hmahruaitu a nihna a sawhnghet.

Masaryk Circuit-a inelna hi ruahsur avangin minute 45 zetin tih khawtlai a ni a, champion lai Marquez hian tlan kawng huh chungah a theihna sang tak lantir lehin amah hnaih bertu Andrea Dovizioso aiin 2.4 seconds-in a thleng hmasa zawk.

Season kal laiah Marquez-a'n vawi ruk ngawt hnehna a chang tawh, round 10 an tlan tawh chinah hian championship lama pahnihna Dovizioso aiin point 63 ngawtin a sang fal tawh a ni. Bike intlansiakna sang hi August 11-ah neih a ni leh dawn a, Spielberg tlan kawngah Austrian MotoGP an tlan leh dawn a ni. Rider dangte tan Marquez champion tur dang tur chuan hnehna chan khalh a pawimawh tawh ang.