India squad-ah Lianzuala leh Jerry
FIFA World Cup 2022 Qualifiers khel tur India coach Igor Stimac chuan nimin khan player 34 awmna squad a puang a, Mizo player pahnih Lallianzuala Chhangte leh Jerry Lalrinzuala te an tel.
Player 34 hi koh chhin chauh a la ni a, Lianzuala leh Jerry hi India tan an inlan dawn chiang tihna a la ni lo. Blue Tigers hian September 5-ah Oman chu Guwahati khawpuiah an mikhual dawn a, September 10-ah Qatar nen an inkhel bawk ang.
World Cup qualifier-ah hian India hi Group E-ah Qatar leh Oman bakah Bangladesh leh Afghanistan te nen an awmho a, group tin hmahruaitu hian third round an lut ang.
India squad
Goalkeepers: Gurpreet Singh Sandhu, Amrinder Singh, Kamaljit Singh, Vishal Kaith
Defenders: Rahul Bheke, Nishu Kumar, Pritam Kotal, Anas Edathodika, Sandesh Jhingan, Anwar Ali (Jr.), Narender Gahlot, Sarthak Golui, Adil Khan, Salam Ranjan Singh, Subhasish Bose, Jerry Lalrinzuala, Mandar Rao Dessai
Midfielders: Nikhil Poojary, Udanta Singh, Anirudh Thapa, Raynier Fernandes, Vinit Rai, Sahal Abdul Samad, Amarjit Singh, Pronay Halder, Brandon Fernandes, Lallianzuala Chhangte, Halicharan Narzary, Ashique Kuruniyan
Forwards: Balwant Singh, Sunil Chhetri, Jobby Justin, Farukh Choudhary, Manvir Singh