Pegula tan title hmasa ber

Jessica Pegula chuan a vawi khatna atan WTA singles title a la ve ta. Pathianni zan khan Pegula hian Camila Giorgi hnehin an ramah ngei Citi Open nomawi a chawi a ni.

United States nula hian Italy player lakah hian minute 59 chhung lekin 6-2, 6-2 in hnehna a chang a, nikum favang laia Quebec City-a final a luh hnua nomawi inchuhna inkhel a thlen leh hmasak berah a hlawhtling.

Kum 25 mi Pegula chuan, "Khawvel hmun hrang hrangah ka inkhel kual ve tawh, nuam ka ti em em vek. Hmun nuam zingah pawh kan ram a nuam ber a, a nawmna belhchhah turin nomawi hmasa ber ka chawi thei hi ka lawm takzet," a ti.