Dortmund an chak lo

Borussia Dortmund-in an rawlthar player ṭha rual kawl mah se Bundesliga champion pui tur khawp chuan an ṭha tawk lo a, Champions League khelh phak pawh a harsa dawn.

Inrinni zan khan Dortmund-in Dreisamstadion-ah SC Freiburg an tlawh a, 2-1 in an chak lo. Freiburg hian second half-ah Jeong Woo-yeong leh Jonathan Schmid te hmangin goal an khung a, goal hnihna hi goalkeeper Marwin Hitz tihsual vanga lut a ni. Second half-ah kum 16 mi Youssoufa Moukoko-a'n Dortmund siphurh sut ṭhen mah se inkhel result a danglam phah lo. Freiburg-in kum 2010 hnua a vawi khat nan Dortmund an hneh.

Champion lai Bayern Munich-in hmahruai chhunzawm turin Zirtawpni zan khan Kingley Coman-a goal hmangin Hertha BSC 1-0 in an hneh. Bavarians hian point 48 an hmu a, Borussia Dortmund aiin point 16-in an hmu sang zawk. Dortmund hi paruknaah an awm a, palinaa awm Bayer Leverkusen chu point thumin an pha lo.