Dan rual loh Klay Thompson

Nimin zing NBA regular season inkhelah Klay Thompson chuan record thar a siam. Golden State Warriors guard hian Los Angeles Lakers lakah 3-point a vawm hmasak 10 zet chu lutin player dangin an la tih theih ngai loh a ti a, a team hi 130-111 in hnehna a chanpui.

Golden State star Thomson hian a pumpuiah point 44 a nei a, NBA champion-in tun hnai an match hnuhnung pariata hnehna an chan zawn theih nan a thawh hlawk hle. Quarter thumna tawp hma deuh thleng chu 3-point a shot a piang a lut vek a, chawlhlawk hma deuha a shot erawh a hlah ve thung. 

Season hmasa an champion theih nana tha thawhhlawk tak Kevin Durant chuan point 20 a neih bakah, player hmuhnawm danglam bik Stephen Curry pawhin point 11 a neih bakah assist ṭum 12 ngawt a nei ve bawk.

Lakers hian LeBron James, Lonzo Ball leh Rajon Rondo te an chhawr thei lo a, an player ṭha pathum awm loh ni hian Ivica Zubac, Los Angeles, Brandon Ingram leh Kyle Kuzma te chu khel ṭha thawkhat viau mah se GSW laka hnehna chan nan a tawk zo lo.