Zarkawt Lords hmaah Gorkha an thamral

Mahuma Memorial Cricket Tournament chu khelh chhunzawm zel a ni a, nimin khan Zarkawt Lords chuan run 62 leh innings khatin Gorkha CC an sawisa!

Ṭhumvawra vannei zawk Zarkawt hian bat hmasak zawk an thlang a, over 71-ah run 211siama wicket riat hlohin an duhtawk a, Gorkha bat hun a thleng. 

Gorkha CC hian over 48.1 chiah daihin run 64 an siam a, wicket an hloh fai vek! Zarkawt lamin Gorkha hi an 'follow on' tir a, over 35.1-ah run 85 chiah tlina out vekin an 'tlin' ta ngang lo a, second innings bat hah ngai loin Zarkawt hian hnehna an chang ta a ni.

Zarkawt tan hian batting lamah run 77 siamtu G. Lalbiakvela 77 leh 67 ngawt vaw chhuaktu Saidingliana Sailo te an langsar a, wicket kua latu Pratip Pratak Desai leh wicket riat latu C. Lalrempuia te an result ṭhat chhanah lam hmaih an thiang lo bawk.