London-ah NFL match li khel dawn

Kum 2019 hian London-in NFL match li a thleng dawn a, Wembley Stadium leh Tottenham Hostpur stadium tharin match hnih ve ve a thleng ang.

London thlen tur zingah hian kumin Super Bowl finalists Los Angeles Rams pawh an tel a, anni hian hian Cincinnati Bengals an hmachhawn dawn. Match thum dang chu Chicago Bears vs Oakland Raiders; Houston Texans vs Jacksonville Jaguars leh Carolina Panthers vs Tampa Bay Buccaneers te inkhel a ni ang.

London-a match khelhna hmun tur leh hun hi la tihchian tur a ni. United States-a infiamna ngaihsan ber zinga mi American football hian khawvel hmun danga hriat a hlawh theih nan an inzar pharh zel a, kum 2017 aṭang khan London hian match ṭhenkhat a thleng tawh ṭhin a ni.

American football tak hi Mizo zingah entu tam lo mah se champion zawnna Super Bowl erawh halftime laiin khawvela zai thiam lar tak tak an zai ṭhin avangin ngaihven a hlawh ṭhin hle. 

Kumin Super Bowl hi a vawi 53-na tur niin Rams leh New England Patriots chu Mercedes-Benz Stadium-ah February 4, zing dar 5:00 hian an inkhel ang.