FIFA Club World Cup Zaninah Al Ahly Vs Bayern Munich

FIFA Club World Cup chu February 4 aṭang khan Al Rayyan, Doha-ah khelh ṭan a ni a, zanin dar 11:00 hian semifinal hnuhnung zawkah European champion Bayern Munich leh African champion Al Ahly te an inkhel ang.

Inelnaah hian khawmualpui champion ṭheuh leh inelna thlengtu club an tel ṭhin. First round-ah inelna thlengtu Al-Duhail leh Auckland City te inkhel tur an ni a, Australian club hi an inhnuhdawh avangin Qatar club hi chak zawka puan an ni.

Second round-ah zanina Bayern khingpui tur Al Ahly hian Al-Duhail hi 1-0 in an hneh. Inkhel dangah North American champion UANL-in Asian champion Ulsan Hyundai 2-1 in an hneh. 

Mexican club UANL hian nizan khan European champion ang thoa semifinal lut sa South American champion Palmeiras an hmachhawn a, result kan hre hman lo.

Bavarians hian Hans-Dieter Flick kaihhruaina hnuaiah inelna panga Bundesliga, DFB-Pokal, DFL-Supercup, UEFA Champions League leh UEFA Super Cup te an champion tawh a, Club World Cup hi paruk nan champion leh an tum dawn a ni.