NEXA I Day Football Chhun dar 12:00-ah Chawnpui Vs Ramhlun N

NEXA Independence Day Celebration Football Tournament-ah Chawnpui FC-in point an la hmu lo a, vawiin chhun dar 12:00 hian Lammualah Ramhlun North an hmachhawn dawn. Group B-ah champion lai Chhinga Veng leh point thum hmu tawh FC Venghnuai an awm bawk avangin Chawnpui leh Ramhlun North inkhela chak lo zawk tan semifinal luh a harsa tawh ang.

Chawnpui FC hian an match hmasa berah FC Venghnuai an hmachhawn a, 4-3 chauhin chak lo mah se goal thum an thun hma hian MPL kaitharin goal li an khung tawh avangin chak an phu lo hrim hrim. Chutihrualin inkhel tawp lama an khelh anga inkhelh ṭantirh lam aṭanga an khelh theih chuan HC Zarzoliana hote hi point thum hmu thei reng an ni.

Coach Zara hian Chawnpui FC-a khel turin a hman thiam sa player Lalnunmawia leh a nau Vanlalthlamuana bakah Lalthanmawia Renthlei te a chhawm tel. Anni bakah hian Venghnuai laka goal khungtu Crespo Vanlalhriatpuia hi chhinchhiah a ṭha, Sialhawk tlangval Crespo hi R. Laldanmawia'n Dinthar FC-a amah enkawl tawhtu Zara a kawh hmuh niin hming a chher ang em tih erawh hunin a la hril ang.

Ramhlun North hian champion lai Chhinga Veng laka goal hnih an chhuah hnuah an tho chhuak leh a, point khat hlu tak an hlawhchhuah avangin Chawnpui an khelh hunah pawh inrintawkna an neih ngei a rinawm.

Group B

August 6, Thawhlehni

Ramhlun North FC    2 - 2    Chhinga Veng FC 

RNFC : M. Lalrintluanga 50'; Lalthankhuma 80'

CVFC : Lalsawmzela 21'; MC Malsawmzuala 43'

FC Venghnuai    4 - 3    Chawnpui FC 

FCV : Vanlalthanga 34'; Isak Vanlalpeka 63'; HK Lalhruaitluanga 68'; Vanlallawma 70'

CFC : Lalthanmawia Renthlei 77', 89'; Crespo Vanlalhriatpuia 80'

Vawiin Inkhel Tur

Chawnpui FC    12:00 PM    Ramhlun North FC

Chhinga Veng FC    02:15 PM    FC Venghnuai

August 10, Inrinni

Ramhlun North FC    12:00 PM    FC Venghnuai

Chhinga Veng FC    02:15 PM    Chawnpui FC