Australia ram kang tan Drogba

Football Federation Australia-in an ram kang avanga harsatna tawk football club-te ṭanpui nana a buatsaih tur #FootballForFires match-ah Chelsea legend Didier Drogba a inlan dawn a, Juventus legend David Trezeguet pawhin a inlan tur thu a sawi. 

Syndey khawpuia ANZ Stadium chuan he charity match hi a thleng dawn a, May 23-ah khelh tur a ni. Australia rama football thuneituten an puan dan chuan inkhel hi kang ṭhelh tura inpe (volunteer) leh State Emergency Service-a thawkte hnena lawmthu sawi nan hman nghal tur a ni. 

Australia ram kang ṭhelh tura hnathawk nasate chawimawi nan hian team inkhel tur pawh Firefighters All Stars leh SES All Stars tih an ni dawn a, kang ṭhelh nana hnathawkte hi a thlawna ticket pek vek an ni ang. 

Hetihlai hian AFL, Rugby Australia, Cricket Australia, Football Federation Australia, National Rugby League, Netball Australia leh Tennis Australia-te chuan kangmeiin a tih chhiat infiamna hmun hma te din ṭhat leh a nih theih nan sorkar nena ṭangkawpin hma an la dawn bawk. 

Players inlan tur chiang tawhte:

Didier Drogba (Chelsea legend), Dwight Yorke (Manchester United legend), Claudio Marchisio (Juventus  legend), Dario Simic (Crostia legend), John Aloisi (Australia international hlui), Dwayne De Rosario (MLS legend), Ji-Sung Park (South Korea legend), Simon Colosimo (Australia international hlui), David Trezeguet (Juventus legend), Alecko Eskandarian (DC United forward hlui), Mark Bosnich (Australia keeper hlui), Con Boutsianis (Australia international hlui), Pedro Mendes (Tottenham midfielder hlui), Le Cong Vinh (Vietnam legend), Emile Heskey (Liverpool striker hlui), Michael Bridges (Leeds United striker hlui), Geremi (Chelsea player hlui) & Mark Milligan (Australia captain hlui).