Grace-i telna India chak lo

COTIF Cup 2019 khela zin chhuak India hmeichhe team chuan an match hnuhnung berah Spain Under 19 chu 2-0 a ngam loin tournament an khar. 

Spain tan Jana Fernandez leh Irene Lopez ten goal khat ve ve an khung a, an goal khung inkarah goalkeeper Elene Lete Para chu hnawhchhuah ni mah se Blue Tigers hmeichhe team lamin goal an khung ve thei lo. 

Blue Tigers hmeichhe team tan Bala Devi leh  Sanju Yadav ten uiawm takin an hlah a, hetihlai hi 1-0 a nih avangin khung se chuan inkhel result a danglam thei hial ang. Mahse, hun tawp dawnah Spain hian Irene Lopez hmangin penalty an chhuih lut a, India tan thawh leh ngaihna a awm tawh lo. 

India hian match li an khelhah vawi hnih hnehna an chang a, vawi hnih an tlawm thung - squad-ah hian Aizawl Salem Veng nula Grace Lalrampari a tel.