Milan & Torino-in Kobe an hre reng

Thawhlehni zan khan Coppa Italia quarterfinal khelh a ni a, AC Milan chuan 4-2 a Torino hnehin semifinal an lut - he inkhelah hian basketball legend thi ta Kobe Bryant hriatrengna hun hman a ni a, club pahnih player-ten an banah puan dum an hreng ve ve a ni. 

Kum 41 mi nia Pathianni zana helicopter chesuala a nunna chan ta Bryant hi naupang a nih laiin hun engemaw chen chu Milan khawpuiah a cheng a, AC Milan ṭan 

ṭhintu a ni hial. 

San Siro-a inkhelah ṭan hmain big screen-ah Bryant leh a fanu kum 13 mi Gianna thlalak leh video phochhuah a ni a, helicopter chesualah hian Bryant te pafa bakah mi dang pasarihin an nunna an chan a ni. 

Minute 24-naah club pahnih fan-te chuan kut bengin Kobe zahna an lantir bawk a, vawi nga NBA champion Bryant hian Los Angeles Lakers tan jersey number 24-a ha ṭhin a ni. 

Milan-in basketball legend an hriatreng zanah chak loh an duh lo a, Giacomo Bonaventura hmanga an goal hmahruai chu Brazilian defender Bremer goal hnih hmangin Torino-in chhanglet mah se extra time-ah hnehna an chang. 

Torino hian an chak dawn emaw an intih hnuah hun pek belh minute khatnaah goal an chhuah a, Hakan Calhanoglu chuan Milan si phurh a rawn sut. 

Extra time-ah Milan an ropui zui a, Calhanoglu chuan an goal thumna a khung leh zat - Milan khawpuia a kir hnua a goal hnihna ni turin Zlatan Ibrahimovic chuan a khung ve leh a, 4-2 in an chak. 

Kar hmasa khan Juventus leh Napoli chuan Italian Cup semifinal an lo lut chiang tawh a, Milan chuan semifinal-ah hian Juventus an hmachhawn ang. 

Nizana Inter Milan leh Fiorentina inkhela chak zawkin Napoli an hmachhawn ve dawn bawk a, Coppa Italia boruak pawh a 'hot' 

chho hle.