Hmunruak pahnih inchuh turte Ramhlun N Vs Venghnuai; Chhinga Veng Vs Chawnpui
NEXA Independence Day Celebration Football Tournament group B-ah tla leh tling tawh an awm lo - vawiin hian team pali bukin an awm dawn. Chhun dar 12:00-ah Ramhlun North FC leh FC Venghnuai te an inkhel dawn a, tlai dar 2:15-ah Chhinga Veng FC leh Chawnpui FC te an inkhel zui ang.
Ramhlun North hi...
Ramhlun North thawm a la ring lo, mah se tun season-ah hneh loh la tawng lo tlemte zinga mi an ni tlat. Amaherawhchu Ramhlun North hian chak an la neih loh avangin vawiin chhuna FC Venghnuai nen an inhnehtawk leh a nih chuan hneh loh nei loin an tla dawn.
FC Venghnuai hian Chawnpui hnehin bul an ṭan a, mah se hun tawpa goal thum an chhuah leh avangin semifinal lut turin point khat a tawk lo thei. Chutihrualin Ramhlun North hian chak tumin an khel dawn a, Rindika Hmar hote tan draw tuma khelh a him lo - inkhel en tlak tak a ni thei ang.
A tawp kharna
Champion lai Chhinga Vengin player ṭha an chan hnem avangin an thawm a ri ring lo, mah se coach tawnhriat nei ṭha Lalremruata leh Anand Gurung ten an enkawl avangin an la tlo tlat. Chhingcows hian club hriatthiam har tak Chawnpui FC an hmachhawn dawn a, engpawh thleng thei a ni.
HC Zarzoliana enkawl Chawnpui hi a tawp lamah chauh an ṭang ṭhin emaw tih turin hun tawpah an nawr chiam ṭhin. MPL hmasa bera Dinthar FC champion puitu coach Zara hian Chawnpui FC hi a her rem hret chuan Chhinga Veng tan pawh an tawh a khirh khawp ang.
Group B
August 6, Thawhlehni
Ramhlun North FC 2 - 2 Chhinga Veng FC
RNFC : M. Lalrintluanga 50'; Lalthankhuma 80'
CVFC : Lalsawmzela 21'; MC Malsawmzuala 43'
FC Venghnuai 4 - 3 Chawnpui FC
FCV : Vanlalthanga 34'; Isak Vanlalpeka 63'; HK Lalhruaitluanga 68'; Vanlallawma 70'
CFC : Lalthanmawia Renthlei 77', 89'; Crespo Vanlalhriatpuia 80'
August 8, Ningani
Chawnpui FC 2 - 2 Ramhlun North FC
CPFC : Moody Lalawmpuia 42', Lalthanmawia Ralte 90+2'(P)
RNFC : Jessy Vanlalmuana 5', Lalmawizuala 59'
Chhinga Veng FC 2 - 1 FC Venghnuai
CVFC : KC Larchhuakmawia 14'; Sylvana R.Lalruatkima 16'
FCV : Vanlalthanga 23' (p)
Vawiin Inkhel Tur
Ramhlun North FC 12:00 PM FC Venghnuai
Chhinga Veng FC 02:15 PM Chawnpui FC