Independence Day lawm a ni dawn

Vawiin hi Independence Day vawi 73-na a ni a, India ram chhung hmun dangte rualin Mizoramah pawh ropui taka lawm a ni dawn. Mizorama lawmna pui ber Aizawlah chuan chief minister Zoramthanga khuallian a ni ang a, minister dang 10-te'n district khawpui dang 10-ah an hmanpui ang.

Independence Day hi Aizawlah chuan Lammualah zing dar 8-ah ṭan a ni dawn a, CM Zoramthanga'n hnam puanzar pawt pharhin, parade-te'n hnam puanzar chibai an bûk a chháng ang. Chawhma dar 11-ah Raj Bhavan circular lawn-ah Governor's At Home buatsaih a ni ang a, sawm bikte'n thingpui ruai an ṭheh dawn a ni.

Aizawlah hian deputy chief minister Tawnluia pawh a tel dawn a; minister dang 10-te chuan Mizorama district headquarters 10 (district thar pathum telin)-ah an hmanpui dawn a ni. Independence Day hi civil SDO leh BDO ṭhuthmun khuaahte leh hmun dang ṭhenkhatahte pawh hman a ni ang.