Del Potro a inhnukdawk

Juan Martin del Potro chu hlawhtling takin a khup hliam zai ni mah se duhthusamin a la dam chiang thei lo a, Argentine tlangval hi August 26 aṭanga khelh ṭan tur US Open aṭangin a inhnukdawk.

World number 3 hlui Del Potro hian 2009 khan US Open nomawi a chawi, 2018 khan final a lut leh bawk. New York khawpuiah mipuiin an ṭan em em a, court chhunga a luhin fans thawm a ṭhat bakah entu a ngah thei hle.

Kuminah pawh Del Potro hi mipui hmuh chak zingah a tel. Mahse, June thla khan a khup dinglam zai a ni a, season khat chhunga Grand Slam inelna hnuhnung berah hian inlan theih beisei mah se a dam hman dawn lo tih a chiang ta.

Del Potro a inhnuhdawh takah chuan wildcard an pek Denis Kudla chu main draw atan a lut thei dawn a, Kudla wildcard neih tawh chu Christopher Eubanks hnenah pek chhawn a ni thung.