World Cup champion zinga mi Tata a thi

Argentina-in ropui takin 1986 World Cup an chawi a, final inkhel pawimawh taka West Germany an hneh ṭuma goal hmahruai khungtu Jose Luis Brown chu August 13, Thawhlehni khan a thi a, kum 62 mi a ni.

Argentina interna-tional defender hlui Brown hi "Tata" tiin hming lem vuahsak a ni a, mi tam zawkin an hriatna pawh a ni. A thih chhan hi chiang taka ziah ni lo mah se media lam chuan Alzheimer a neih thu an sawi.

Ram tan match 36 a khelh aṭangin Brown hian goal khat chiah a khung. Mahse, a goal khung hi hriatreng tur a ni thung. Diego Maradona hoa final an khelhah goal pawimawh khungin an ram hi 3-2 in hnehna a chanpui a, a vawi hnih nan world champion an ni hial.