Tlai dar 2-ah I Day Veteran Football Final

F. Lalchhandama (Papuia) Memorial Independence Day Football Tournament for Veteran 2019 final chu vawiin tlai dar 2:00 hian Lammualah Saron Veteran FC leh Mizoram Police FC Veteran team ten an khel dawn.

Saron Veteran FC hian final lut turin NEHU Alumni Veteran FC (2-1), Lily Sporting Club (2-1) leh Durtlang team 80s Teenagers (2-2, 5-4 P) te an hneh a, match thum an khelhah goal hnih vek khungin harsa takin hnehna an chang.

Saron tan hian Zothlamuana chuan match tinah goal a la khung vek a, final-ah pawh a pawimawh ang.

Mizoram Police FC Veteran Team hi inelna ṭan hauh hmain champion rinkai an ni a, final kalkawngah anmahni elpha an la tawng lo. Police hian College Veng Veteran FC (6-0), Manuna Memorial FC, Ramthar (4-1) leh Dinthar Veteran Club (4-1) te an hneh a, goal thum khung tawh R. Vanlalfela leh goal hnih ve ve khung tawh Lalthanpuia leh Roliantluanga te chu player fitness la nei ṭha leh ṭangkai an ni.