Chelsea pan tur Higuain?

Gonzalo Higuain chu nizan khan AC Milan squad-ah telh a ni lo a, Argentina international striker hi Premier League club Chelsea pan tura thawm nei lai a nih avangin a chanchin hian ngaihven a hlawh thar hle.

Kum 31 mi Higuain hi Juventus aṭangin AC Milan-ah loan hmangin a kal mek a, season chawhnu lamah huan loan bawkin Chelsea a pan dawn nia sawi a ni. Milan coach Gennaro Gattuso chuan, "Training kan neih zawh khan inkhel turin a rilru a inpeih lo," tiin a sawi a, a player hian chhuah a duh thu a sawi lang tawh bawk.

Higuain hian Milan a pan tirhah bul a ṭan fuh hle, match nga a khelh aṭangin goal ruk a khung nghal. Mahse, tun hnai a match hnuhnung 12 aṭang erawh chuan goal khat chiah a nei thei a ni.

Blues manager Mauri-zio Sarri kaihhruaina hnuaiah Higuain hi Napoli tan ṭha takin a lo khel tawh, 2015-16 season phei kha chuan Serie A-ah goal 36 a khung - amah hrechiangtu Sarri enkawlna hnuaia khelh leh a hreh lo ang. 

Chelsea hian striker Alvaro Marata chu an chhuahtir ngei dawn niin a lang tawh a, Arsenal striker hlui an kawl lai Olivier Giroud a khelh ṭhat tawk loh avangin tlarhma laia tlan tur an mamawh hle a ni.