Cardiff player manto ber Sala

Premier League lama talbuai tak Cardiff City chuan top flight football khelh chhunzawm tumin hma an la zel a, an manganna aṭanga khai chhuaktu a nih beiseiin Argentine striker Emiliano Sala chu an club player manto ber ni turin an lalut. 

Kum 28 mi striker man zat hi Cardiff hian chiang takin tarlang lo mah se an club player manto ber a nih thu erawh tarlan a ni a, Sala hmaa an player manto ber chu kum 2013-a pound maktaduai 11 man Chile international Gary Medel an lakluh kha a ni. 

Sala hian tun season Ligue 1-ah match 16 khelin goal 12 a khung tawh a, a aia goal khung hnem chu Kylian Mbappe leh Nicolas Pepe te chiah an awm.