Brady hoin Patriots-in Super Bowl an thleng

New England Patriots chuan nimin zing khan overtime-ah Kansas City Chiefs chu overtime-ah 37-31 in an hneh a, a zawnin kum thum Super Bowl an thleng. Tom Brady telna Patriots hian Los Angeles Rams an hmachhawn ang.

Super Bowl vawi 53-na hi Mercedes-Benz Stadium-ah February 4, zing dar 5:00-ah khelh a ni dawn. NFL history-a quarterback ropui ber zinga mi Tom Brady chuan, "Tlawm an tum lo a, keini pawh chuti tho. A tawpah erawh kan ṭhat dan berin kan khel a, kan vannei ta zawk. A hautak em em a, ka chau takzet a ni," tiin Kansas City an hneh dan a sawi.

Kum 41 mi Tom Brady hian a vawi kua nan Super Bowl a khel dawn a, Partriots hnehna a chan pui thei a nih chuan 'ring' paruk a dawnna tur chiah a ni ang. New England Patriots hian kum 2002 khan Super Bowl-ah hnehna an chang a, hemi ṭuma an hneh chu tun ṭum final-a an hmachhawn tur Rams hi a ni.