Ruiz-a'n Saudi-a inhnek a duh lo

IBF, WBA & WBO heavyweight title kawltu Andy Ruiz chuan Saudi Arabia-a match nei turin engmah a la sign loh thu a sawi a, Anthony Joshua nena an rematch neihna tur a chiang leh ta lo. 

Kar hmasa Zirtawpni khan Joshua promoter Eddie Hearn chuan Andy Ruiz leh a boxer hi December 7-ah Saudi Arabia-a an inhnek tur thu a sawi a, mahse Ruiz erawh a reh reng thung. 

Kum 29 boxer hi ESPN-in an kawmnaah a ṭawng chhuak ta nge nge a, "Inbiakna a la kal mek a, engmah ka la ti fel lo. Saudi Arabia-a inhnek an duh a, mahse kei chuan New York ka duh," a ti. 

Mahse, Hearn-a sawi dan chuan June 1-a boxer pahnih an intawn hma khan rematch clause a awm a, contract ang chuan a hun leh hmun thleng hian Joshua te lam thu vek a ni. 

Saudi Arabia-a Joshua te inhnek thlen tum te hian inhnek thleng tur hian pound maktaduai 33 an theh chhuak a, mimal zalenna chungchangah Saudi hi a hmingchhiat avangin Joshua vs Ruiz rematch tur hian sawisel a hlawh hle.