India tan Kohli a ropui

India chuan Nilaini zan khan West Indies chu Queen's Park Oval-ah wicket rukin an hneh a, captain Virat Kohli chuan ball 99 lekah thi loin run 114 a vaw chhuak.

Men in Blue hian Windies hi T20-ah 3-0 in an hneh tawh a, ODI-ah 2-0 in series an la. August 22 aṭangin Test match an khel leh ang. Ruah surin a tih buai inkhelah West Indies hian over 35-ah run 240/7 an siam. DLS method hman a ni a, India hian chak turin over 35-ah run 255 an mamawh.

Kum 30 mi Kohli chet ṭhat zarah target harsa hi over 32.3 lekah run 256/4 siamin an tlin. India captain hian ODI-ah century 43 a siamna chiah a ni a, kum 10 chhunga run 20,000 tling thei hmasa ber a ni.

Kohli hnungah hian Australia skipper hlui Ricky Ponting (18,962 runs), South Africa all-rounder Jacques Kallis (16,777 ), Mahela Jayawardene (16,304), Kumar Sangakkara (15,999), Sachin Tendulkar (15,962) leh Rahul Dravid (15,853) te an awm.

Cricket legend Sachin khan Australia lakah century vawi kua a siam a, Kohli hian ram pakhat laka Sachin-a record hi nih rualin Windies lakah hian century vawi kua a siamna a ni chiah bawk.