Mizoram hmeichhe team-in bronze an la

Khelo India Youth Games-ah Mizoram U21 hmeichhe football team chuan bronze medal la turin Inrinni zing khan Police Ground-ah Maharashtra 3-0 in an hneh. 

Mizoram tan hian K. Lalruatfeli (1'), Ruthy Lalrinmawii (7') leh Lalnuntluangi (60') ten goal an khung.

Coach Vanlalpeka chuan, "Kan beisei ngam loh, kan châk si Pathianin semi final min hruai thleng a. Chu mai ni loin chawh ruala naupang ber ni chunga bronze medal kan la hi kan tan malsawmna tak tak a ni a, kan lawm tak zet a ni," tiin Vanglaini a hrilh.

Mizoram hian Khelo India 2019-ah hian gold leh silver medal pali ve ve bakah bronze medal panga a la a, a vaia medal a lak zat hi 13 a ni.