Chanmarians an chak chiang

Mahuma Memorial Cricket Tournament khelh mekah Chanmarians CC chuan an match hmasa berah chiang takin hnehna an chang a, Ramhlun Venglai chu run 42 leh innings khatin an hneh.

First innings-ah Chan­marians an bat hmasa a, over 77.1-ah run 245 siama wicket ruk chiah hlohin an duhtawk a, Debojyoti Chanda chuan century a vaw chhuak - kumina run 100 vaw kai hmasa ber a ni.

Ramhlun Venglaiin over 41.4-ah run 106 siam­in an out vek a, Chan­ma­rians lam hian an 'follow-on' tir. Mahse, second innings-ah pawh over 39.2 chiah tlinin run 97 an siam - Chanmarians hian run  42 leh innings khatin  hnehna an chang ta a ni.