Kerber hnehtu Collins

Australian Open hmei­chhe singles champion tura rinkai Angelique Kerber chu seeded pawh chang phak lo Danielle Collins chuan 6-0, 6-2 a sawpin last 16-ah a vaw tla.

Nimina inkhelah world number 2 hian set hmasa zawkah game la miah lo mah se tho chhuak leh tura beiseina a la awm. Mahse, minute 56 chhung lekin set hnihnaah pawh game hnih bak a lak theih loh avangin beisei phak loin a zinkawng a tawp.

German nula Kerber chuan, "A chang chuan boruak nuam tak tawn chang a awm, ka din­hmun a hniam hnuah pawh nasa takin beih let tum mah ila ka thei ngang lo a ni," tiin a sawi. 

Kum 25 mi Col­lins hian a match leh­pek­­­ah chuan Sloane Stephens leh Anastasia Pavlyuchenkova te inkhela chak zawk a hma­chhawn leh ang. Col­lins chuan, "Hlauh nei loin ka khel a, Aus­tralian Open ka vawi khat khelhnaa hetiang ka thleng thei hi ka lawm," tiin a sawi.