Naga player-in Swedish club zawm

Nagaland midfielder Ratobe Poireng chuan Swedish sixth-division club Lila Torg FF a zawm. Kum 23 mi Poireng hian thla khat chhung trial a nei a, Lila hian contract an pe ta a ni. 

Ratobe Poireng chuan, "Europe-a Naga player inkhel hmasa ber ka ni tur hi ka lawm hle," tiin a sawi a, Bundesliga club Hannover 96-ah March khan training a lo nei tawh bawk. 

Indian player ten hmasawn beiseiin Europe-a division hniam zawk pan an intih hmuh mek a, ram pawna Indian player inkhel an awm nual tawh. 

Ishan Pandita chuan January khan Spanish fourth division club CF Pobla de Mafumet a zawm a, Minerva Punjab youth system chhuak Amarjeet Mishra chuan Portuguese fifth division club CD Estrela chu June khan a zawm bawk. 

Indian Super League club Mumbai City tan pawha lo khel tawh Sahil Tavora chuan season hmasa khan Portuguese fourth division club GDSC Alvarenga tan a khel a, December khan Abneet Bharti chuan Portuguese third division club Sintrense-a a contract a titawp thung. 

Mizo tlangval Lallianzuala Chhangte chuan Norwegian top division club Viking FK-ah trial a nei mek.