UEFA Men's Player of the Year dawng thei tur chhawp chhuak
UEFA Men's Player of the Year award dawng thei tur player pathum chu Ningani khan tarchhuah a ni a, Lionel Messi leh Cristiano Ronaldo bakah Virgil van Dijk te chu chawimawina hlu tak dawng thei tura hming langte an ni.
Chawimawina chu
UEFA buatsaih chawimawina hi kum 2011 khan ṭan a ni a, UEFA Best Player in Europe Award tiin bul an ṭan.
Chawimawina vawi riat sem tawhah Ronaldo chuan vawi thum dawng tawhin a la dawng tam ber a, Lionel Messi-a'n ṭum hnih dawng tawh bawkin Andrés Iniesta, Franck Ribéry leh Luka Modric ten vawi khat ṭheuh an dawng tawh.
Engtin zel?
Player pathum thlangtute hi coach 80 - UCL group stage khel coach (32) leh Europa League group stage coach (48) te bakah UEFA hnuaia ram 55 aṭanga journalist pakhat ṭheuhin an thlang.
Judge-te hian season khat chhunga player-te club leh ram tana an khelh dan aṭangin an teh a, coach-te'n anmahni club-a khel player an thlang thei lo.
Thlante chu
Lionel Messi hian La Liga-ah Barcelona a champion pui a, UCL-ah top scorer a ni a, European Golden Shoe a dawng bawk.
Cristiano Ronaldo hian Portugal chu UEFA Nations League-ah a champion pui a, finals-ah top scorer a ni a, Serie A-ah an champion bawk. Virgil van Dijk hian Champions League-ah Liverpool a champion pui a, final-ah man of the match atan thlan a ni. Van Dijk hian an ram Netherlands chu Nations League final a thlenpui bawk.
UEFA Men's Player of the Year
A sang pathum : Lionel Messi (Barcelona & Argentina), Cristiano Ronaldo (Juventus & Portugal), Virgil van Dijk (Liverpool & Netherlands)
Top 10-a lang dang
4 Alisson Becker (Liverpool & Bra) 57 pts
5 Sadio Mané (Liverpool & Sen) 51 pts
6 Mohamed Salah (Liverpool & Egy) 49 pts
7 Eden Hazard (Chelsea/Real & Bel) 38 pts
8= Matthijs de Ligt (Ajax/Juve & Ned) 27 pts
8= Frenkie de Jong (Ajax/Barca & Ned) 27 pts
10 Raheem Sterling (Man City & Eng) 12 pts
Award dang
A UEFA Champions League positional award
1. Goalkeeper of the Season Alisson Becker, Hugo Lloris, Marc-André ter Stegen
2. Defender of the Season Trent Alexander-Arnold, Matthijs de Ligt, Virgil van Dijk
3. Midfielder of the Season Frenkie de Jong, Christian Eriksen, Jordan Henderson
4. Forward of the Season Sadio Mané, Lionel Messi, Cristiano Ronaldo
B Women's Player of the Year Lucy Bronze, Ada Hegerberg, Amandine Henry
C Europa League Player of the Season Olivier Giroud, Eden Hazard, Luka Jovic