Inkhelhna hmun sawn

Covid-19 vangin Europa League last 32 first leg-a Manchester United leh Arsenal inkhelhna tur hmun sawn a ni.

Ole Gunnar Solskjaer-a hoten Spanish club Real Sociedad an hmachhawn dawn a, first leg hi Juventus khelmual Allianz Stadium, Turin-ah khelh a ni ang. 

Arsenal leh Benfica first leg hi Stadio Olimpico, Rome-ah khelh a ni thung dawn. Inkhelh hun erawh tih danglam a ni lo a, February 18, Ningani zanah khelh a ni ang.

United leh Sociedad te hi zan dar 11:25-ah khelh tur a ni a, Arsenal leh Benfica te hi zan dar 1:30-ah khelh a ni dawn. Europa League-ah hian English club Leicester City leh Tottenham Hotspur te an la dam bawk a ni.