Kohli-a'n chhuanlam a siam lo

India-in England nen Test match vawi li an khelh tura hmasa berah an chak lo a, captain Virat Kohli-a'n chhuanlam a siam lo. Joe Root captain-na hnuaia khel England hian first Test-ah run 227-in hnehna an chang.

Men in Blue captain Virat Kohli chuan, "England kan hneh loh danah chhuanlam siam kan tum lo. Kan chak loh kan pawm a, kan tihsual aṭanga inzir a ṭul a ni. Thuchiang awm chu kan khelh hmabak match thumah kan theihna zawng zawng kan chhuah ang," tiin a sawi.

First Test-ah hian India vice captain Ajinkya Rahne a che ṭha tawk lo a, innings pahnih aṭangin run khat chauh a siam. Kohli chuan Rahane-a'n hmun pawimawh a la chang chhunzawm tur thu a sawi.

February 13-17 hian England leh India hian Test match vawi hnihna Chennai-ah bawk an khel leh ang.