Rockets chak lo chiang

Houston Rockets chuan NBA regular season kal laia an chak loh chian ber ṭum an tawng a, James Harden leh a ṭhiante hi Philadelphia 76ers lakah 121-93 in an tlawm, tukin hian New York Knicks nen an inkhel leh nghal ang.

Wells Fargo Center-a inkhelah tun hnaia a zawna match 20 chhung zet point 30 chuang score ziah thei Harden chu duhthusamin a che na tawk thei lo. Most Valua­ble Player nilai hian court chhungah minute 31 hun a hman chhungin point 37 a nei a, team tana thawhhlawk ber ni mah se a ṭhiante thlawpna a hmuh ṭhat tawk loh avangin chak nan a tawk lo.

76ers tan Joel Embid chuan point 32 neiin an chak theihna hmanraw pawimawh a ni a, ani bakah hian JJ Redick (16pts), Landry Shamet (18) bakah TJ McConnell leh Corey Brewer ten tha an thawhhlawk bawk. Anni hian San Antonio Spurs an hmachhawn ve leh thung dawn a ni.