Bournemouth-in defender thar an nei

Premier League club Bourne­mouth chuan Wales defender Chris Mepham chu pound maktaduai 12-in Championship club Brentford aṭangin an lalut a, a contract rei zawng chu 'hun rei tak chhung atan' tih zawngin tarlan a ni. 

Bournemouth boss Eddie Howe hian kum 21 mi centre back hi a atchilh viau a, nikum thlasik leh nipui transfer lai pawh khan lakluh tumin a lo dawr tawh a ni. 

January 2017-a Brentford tana a match hmasa ber khel ve chauh defender hi a ṭul chuan right back-ah pawh chhawr theih a ni a, Championship club tan hian inelna hrang hrangah match 48 a khel tawh. 

Chelsea academy aṭang­a inzir chhuak defender hian tun season-ah Bees (Brent­ford sawina) tan league match 28 aṭangin match 22-ah inkhel bul a ṭan a, an player pawimawh ber pawl a ni.