Turkey-ah Demba Ba a khel dawn

Chelsea striker hlui Demba Ba chu tun hmaa a lo khelh tawh ṭhinna Turkey lamah a kir a, season tawp thleng loan-a khel turin Istanbul Basaksehir a pan. 

Kum 33 mi striker hian Turkish club Besiktas leh Goztepe tan a lo khel tawh a, Besiktas tan hian 2014-15 season-ah phei chuan match 44 khelin goal 27 a lo khung sak tawh. 

Besiktas-a season duhawm tak a hman hnuah hian Chinese Super League club Shanghai Shenhua a pan a, he club aṭang hian 2016-17 kha Besiktas-ah tho hian loan-in a lo khel tawh.

June 2018 khan Shanghai Shenhua hi a zawm leh a, he club aṭang hian loan-a khel turin Turkey lam hi a pan leh ta a ni. 

Istanbul Basaksehir hian Turkish Super Lig-ah hma hruai mekin khawvel huapa player langsar lo ni tawh ṭhin zingah Gael Clichy, Arda Turan Robinho, Gokhan Inler leh Emmanuel Adebayor te an kawl mek.