Boro leh Mikel an indawr

Championship club Middlesbrough chuan club khelhna nei loa awm mek Chelsea midfielder hlui John Mikel Obi chu lakluh tumin indawrna an kalpui mek. 

Kum 31 mi midfielder hian Chelsea-ah season 11 zet hun a hman hnuin kum 2017 khan Chinese Super League club Tianjin Teda a pan a, Chinese club hi tun thlaah a chhuahsan a ni.

Nigeria tana vawi 85 ngawt inlan thei midfielder hian ram tan Africa Cup of Nations nomawi a lo chawi tawh a, Chelsea tan Premier League (2), FA Cup (3), League Cup (1), Champions League (1) leh Europa League (1) nomawi te a lo chawi tawh bawk a, Boro hian an lalut thei a nih chuan a tawnhriat ringawt pawh an chhawr ṭangkai khawp ang. 

Tony Pulis enkawlna hnuaia khel Boro hi Championship-ah panga­na ni mekin pa­hnihna Norwich City chu point rukin an phak lo mek a, season tharah Premier League khelh ngei an tum.