Everton-in Barca dilna hnawl

January transfer chu zanin hian Europe ram lian hoah a tawp dawn a, transfer boruak lian lo mah se transfer fee tam tham a thleng a nih pawhin a mak lo ang.

Sky Sports-in a tarlan danin tunkar tir khan Catalan club-in pound maktaduai 85-in Everton forward Richarlison an dil a, Toffees-in ngaihtuahna seng hran loin an hnawl nghal. 

English club hian pound maktaduai 40-a Watford aṭanga an lak hi a let pawhin hralh an la remti lo a, manager thar Carlo Ancelotti hnuaiah indinthar an tum vangah a ngaih theih.

Chutihrualin club lian Barca-in Luis Suarez thlakna tur an zawng mek a, Quique Setien hnuaiah goal khung an harsat avangin sum sen an hreh lo ang.