India tan Siami zin dawn
Hockey India chuan Spain rama tour nei tur player 18 a thlang chhuak a, India hmeichhe team zingah hian Mizo nula Lalremsimi Hmar pawh a tel. India team hian January 24 hian Bengaluru aṭangin an inkhelhna tur hmun an pan ang.
India hmeichhe hockey team hian tour an neih chhungin Spain nen match li an khel dawn a, hei bakah hian Women's World Cup pahnihna Ireland nen match hnih an khel dawn bawk.
Tun hnaiah India team hming sawi apiangin Siami hming lam rik a ngai zel. Kolasib nula hian 2017 khan Asian Cup-ah India hi a champion pui bakah, nikum khan Youth Olympic Games-ah silver medal a vuak chhuah sak tawh bawk a ni.
India Team:
Goalkeepers: Savita, Rajani Etimarpu
Defenders: Reena Khokhar, Deep Grace Ekka, Salima Tete, Nikki Pradhan, Gurjit Kaur, Sushila Chanu Pukhrambam
Midfielders: Lilima Minz, Karishma Yadav, Sonika, Neha Goyal.
Forwards: Rani, Vandana Katariya, Navneet Kaur, Lalremsiami, Udita, Navjot Kaur