Rangers-in Ross County hneh

Steven Gerrard enkawl Rangers chuan Nilaini zan khan Scottish Premiership inkhelah Ross County chu 2-0 in an hneh a, Jermain Defoe leh Scott Arfield chuan Rangers tan an khung. 

Kum 37 mi Defoe hi minute 62-naah hliam vangin lakchhuah a ngai a, tun season-ah Rangers tan inelna hrang hrangah match 30 khelin goal 17 ngawt a khung leh der tawh. 

Rangers hian kar hmasa khan khualmualah Hearts chu 2-1 in an ngam lo a, 3-0 a St. Johnstone hnehtu Celtic aia match khata khel tlemin point ngain an hnufual mek. 

Scottish club lian Rangers hmeichhe team hian Indian striker Bala Devi chu thla 18 atan an lalut a, kum 29 mi striker hi Indian hmeichhe footballer zinga professional ni hmasa ber a ni. 

Rangers hmeichhe team manager Amy McDonald chuan, "Khawvel hmun hrang hranga player-te fuih phurna a ni thei ang," tiin India international an lakluh chungchang hi a sawi.