Indian shuttler an che ṭha

Nimin khan Indonesia Masters World Tour Su­per 500 badminton tour­nament-ah Indian shuttler te an cheṭha hle a, P V Sindhu, Saina Nehwal leh Kidambi Srikanth te chuan an khingpui ṭheuh an hneh.

Olympic leh World Championship silver medallist Sindhu chuan 22-24, 21-8 ,21-17 in 2012 London Games champion Li Xuerui chu a hneh a, Chinese nula laka hnehna chang tur hian minute 54 hun a mamawh a ni. Seeded pakhatna Sindhu hian a match lehpekah chuan Indonesian player Gregoria Mariska Tunjung a hmachhawn leh dawn.

Seeded pariatna Saina chuan tualchhung player Dinar Dyah Ayustine chu 7-21, 21-16, 21-11 in a hneh ve bawk a, kar hmasa lawka Malaysia Master semifinal thlengtu Saina hian Ayustine hi a vawi thum hnehna chiah a ni. Indonesian nula Fitriani Fitriani nen an intawng leh ang.

Mipa singles lamah seeded pariatna Srikanth pawhin result duhawm a nei, Malaysia star Chong Wei Feng chu 21-12, 21-8 a hnehin, match dawtah Asian Games bronze me­da­llist Kenta Nishimoto nen an inhmachhawn dawn a ni.

Indian shuttler lang­sar pathum an tlang lai hian B. Sai Praneeth leh Subhankar Dey te erawh an match hmasa berah beisei phak loin an zinkawng a tawp nghal thung.